മണ്ണാര്‍ക്കാട്: കേരളത്തിൽ വീണ്ടും കൊലപാതകം , പാലക്കാട് മണ്ണാര്‍ക്കാടില്‍ യൂത്ത് ലീഗ് പ്രവര്‍ത്തകനെ കുത്തികൊന്നു. വസ്ത്രവ്യാപാരിയായ കുന്തിപ്പുഴ സ്വദേശി സഫീര്‍(22) ആണ് കൊല്ലപ്പെട്ടത്. സഫീറിനെ കടയില്‍ അതിക്രമിച്ചു കയറിയ മൂന്നംഗ സംഘം കുത്തി കൊലപ്പെടുത്തുകയായിരുന്നു.
രാത്രി ഒമ്ബതു മണിയോടെ കോടതിപ്പടിയിലുള്ള തുണിക്കടയിലാണ് സംഭവം. പരിക്കേറ്റ സഫീറിനെ അടുത്തുള്ള ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല.
സഫീറിെന്‍റ പിതാവ് സിറാജുദ്ദീന്‍ മണ്ണാര്‍ക്കാട് നഗരസഭ ലീഗ് കൗണ്‍സിലറാണ്. പ്രദേശത്ത് അടുത്തിടെ ലീഗ്- സി.പി.െഎ സംഘര്‍ഷം നിലനിന്നിരുന്നു. ഇതിെന്‍റ തുടര്‍ച്ചയാണ് സഫീറിെന്‍റ കൊലപാതകമെന്നാണ് സൂചന.
സംഭവത്തെ തുടര്‍ന്ന് മണ്ണാര്‍ക്കാട് താലൂക്കില്‍ മുസ്ലിം ലീഗ് നാളെ ഹര്‍ത്താലിന് ആഹ്വാനം ചെയ്തു. വ്യാപാരി വ്യവസായി ഏകോപനസമിതിയും ഹര്‍ത്താലിന് ആഹ്വാനം ചെയ്തിട്ടുണ്ട്.
