ചിറ്റഗോങ്: ബംഗ്ലാദേശിലെ പ്രമുഖ വനിതാ ക്രിക്കറ്റ് താരത്തെ പൊലീസ് അറസ്റ്റ് ചെയ്തു.14,000ത്തോളം മെതാംഫെറ്റമീന്‍ മയക്കുമരുന്ന് ഗുളികകളുമായാണ് താരം പിടിയിലായത് ; ധാക്ക പ്രീമിയര്‍ ലീഗില്‍ കളിക്കുന്ന നസ്രീന്‍ ഖാന്‍ മുക്തയാണ് പിടിയിലായത്. വി.ഡി.പി സ്റ്റാര്‍ ടീമില്‍ കളിക്കുന്ന നസ്രീന്‍ െതക്കുകിഴക്കന്‍ സിറ്റിയായ കോക്സ് ബസാറില്‍ നടന്ന മത്സരം കഴിഞ്ഞ് ടീം ബസ്സില്‍ മടങ്ങും വഴി ചിറ്റഗോങില്‍ വച്ച്‌ പൊലീസ് ബസ്സ് നിര്‍ത്തിച്ച്‌ തിരച്ചില്‍ നടത്തുകയായിരുന്നു. തിരച്ചിലില്‍ പാക്കറ്റുകളിലാക്കിയ നിലയില്‍ 14,000ത്തോളം യാബാ ഗുളികകളാണ് കണ്ടെത്തിയത്. മ്യാന്‍മറിലെ കലാപ ഭൂമിയുടെ അതിര്‍ത്തി പ്രദേശത്തിലുള്ള സ്ഥലമാണ് കോക്സ് ബസാര്‍. ജീവപര്യന്തം വരെ ശിക്ഷ ലഭിക്കാവുന്ന മയക്കുമരുന്ന് കടത്തിനാണ് നസ്റിന്റെമേൽ പൊലീസ് കേസ് എടുത്തിരിക്കുന്നത്.
