കരിമ്ബ് വില്‍പനക്കാരനോട് കത്തി പിടിച്ചുവാങ്ങി ഒാടിയ യുവാവ് ആളുകള്‍ നോക്കിനില്‍ക്കെ സ്വയം കഴുത്തറുത്ത് മരിച്ചു. തിങ്കളാഴ്ച ഉച്ചക്ക് 12.50ന് നായന്മാര്‍മൂല പാണലത്താണ് സംഭവം. കര്‍ണാടക ചിക്കമഗളൂരു സ്വദേശി സൂര്യ നായക്കിെന്‍റ മകന്‍ ഹരീഷ് നായക് (30) ആണ് മരിച്ചത്.
പാണലം ദേശീയപാതയോരത്തെ കരിമ്ബ് കടയിലെ വില്‍പനക്കാരനായ ഉത്തര്‍പ്രദേശ് സ്വദേശി ബാലചന്ദ്രയുടെ കൈയില്‍നിന്ന് കത്തി പിടിച്ചുവാങ്ങി യുവാവ് ഒാടുകയായിരുന്നു. പിന്നാലെ കടക്കാരനും മറ്റൊരാളും ഒാടിയെങ്കിലും ഹരീഷ് നായക് സമീപത്തെ ചെങ്കല്‍കുഴിയിലേക്ക് ചാടി.
തുടര്‍ന്ന് ആളുകള്‍ നോക്കിനില്‍ക്കെ സ്വന്തം കഴുത്ത് അറുക്കുകയായിരുന്നു. തല്‍ക്ഷണം രക്തം ചീറ്റി പിടഞ്ഞുമരിച്ചു. നൂറുകണക്കിനാളുകളാണ് സംഭവസ്ഥലത്ത് തടിച്ചുകൂടിയത്. മരണകാരണം വ്യക്തമല്ല. പോക്കറ്റില്‍നിന്ന് ലഭിച്ച തിരിച്ചറിയല്‍ കാര്‍ഡില്‍നിന്നാണ് മരിച്ചത് ഹരീഷ് നായകാണെന്ന് വിദ്യാനഗര്‍ പൊലീസ് തിരിച്ചറിഞ്ഞത്.
