പൊന്‍കുന്നം: കല്ലറയ്ക്കല്‍ സ്റ്റോഴ്‌സ് ഉടമ തച്ചപ്പുഴ കല്ലറയ്ക്കല്‍ കെ.ജെ. ജോസഫിെന്‍റ വാഹനം തടഞ്ഞ് പണം കവര്‍ന്ന സംഭവത്തില്‍ നാലുയുവാക്കള്‍ അറസ്റ്റില്‍. കഴിഞ്ഞ 17ന് രാത്രി കടയടച്ച്‌ മടങ്ങിയപ്പോള്‍ തച്ചപ്പുഴ റോഡില്‍ പണം തട്ടിയെടുത്ത ചേനപ്പാടി തരകനാട്ടുകുന്ന് പറയരുവീട്ടില്‍ അഭിജിത് (25), തമ്ബലക്കാട് തൊണ്ടുവേലി കൊന്നയ്ക്കാപറമ്ബില്‍ ഹരികൃഷ്ണന്‍ (24), തമ്ബലക്കാട് വേമ്ബനാട്ട് രാജേഷ് (23), തമ്ബലക്കാട് കുളത്തുങ്കല്‍ മുണ്ടപ്ലാക്കല്‍ ആല്‍ബിന്‍ (26) എന്നിവരാണ് അറസ്റ്റിലായത്.
25,000 രൂപയാണ് വാഹനത്തില്‍നിന്ന് ഇവര്‍ തട്ടിയെടുത്തത്. ഹോള്‍സെയില്‍ വ്യാപാരിയായതിനാല്‍ കൂടുതല്‍ പണമുണ്ടാകുമെന്ന പ്രതീക്ഷയിലാണ് നാല്‍വര്‍സംഘം കവര്‍ച്ച ആസൂത്രണം ചെയ്തതെന്ന് പൊലീസ് പറഞ്ഞു. ബിഗ്‌ഷോപ്പറുമായി പതിവായി വാനില്‍ കയറി മടങ്ങുന്ന കടയുടമയെ പലദിവസം നിരീക്ഷിച്ചാണിവര്‍ പദ്ധതി തയാറാക്കിയത്.
അഭിജിത്തിനെ ചേനപ്പാടിയിലെ വീട്ടില്‍നിന്നും മറ്റുള്ളവരെ എറണാകുളം ഇടപ്പള്ളിയിലെ ലോഡ്ജില്‍ നിന്നുമാണ് പിടികൂടിയത്. ഇവരുടെ പക്കല്‍നിന്ന് കത്തികളും കവര്‍ച്ചക്ക് ഉപയോഗിച്ച ബൈക്കുകളും കണ്ടെടുത്തു. കുറച്ചുപണം ഇവര്‍ ചെലവഴിച്ചു. ഇവര്‍ വീതംവെച്ച ബാക്കി പണവും കണ്ടെത്തി.
പൊന്‍കുന്നം ടൗണില്‍ കല്ലറക്കല്‍ സ്റ്റോഴ്‌സിെന്‍റ സമീപത്തെ സി.സി ടി.വി ദൃശ്യങ്ങളില്‍നിന്നാണ് പ്രതികളെക്കുറിച്ച്‌ സൂചന ലഭിച്ചത്. പ്രതികളിലൊരാളായ ഹരികൃഷ്ണെന്‍റ പിതാവിെന്‍റ പേരിലുള്ള ബൈക്ക് ദൃശ്യങ്ങളില്‍ കണ്ടത് തുമ്ബായി. പിന്നീട് ഹരികൃഷ്ണെന്‍റ ഫോണ്‍വിളികള്‍ നിരീക്ഷണത്തിലായി.
സമീപ ബേക്കറിയിലെ ജീവനക്കാരനായ അഭിജിത്താണ് കവര്‍ച്ചയുടെ ആസൂത്രകനെന്ന് പൊലീസ് പറഞ്ഞു. ഇയാള്‍ അടുത്തിടെ ഇതിന് സമീപം ജ്വല്ലറിയില്‍ മുക്കുപണ്ടം പണയംവെച്ച്‌ നടത്തിയ തട്ടിപ്പില്‍ സംശയിക്കപ്പെട്ടിരുന്നു. അഭിജിത്തിെന്‍റ സുഹൃത്ത് ഈ കേസില്‍ പിടിയിലാവുകയും ചെയ്തു. അതിനാല്‍ പുതിയ കേസില്‍ അഭിജിത്തിെന്‍റ ഫോണ്‍വിളികളും നിരീക്ഷണത്തിലായിരുന്നു. മറ്റൊരു പ്രതി രാജേഷ് മുമ്ബ് കഞ്ചാവ് കേസില്‍ ഉള്‍പ്പെട്ടിട്ടുണ്ട്.
രണ്ടു ബൈക്കുകളിലായാണ് ഇവര്‍ സംഭവദിവസം വ്യാപാരിയെ പിന്തുടര്‍ന്നത്. വാന്‍ തടഞ്ഞുനിര്‍ത്തി ഇവരിലൊരാള്‍ ഉടുത്തിരുന്ന കൈലിയഴിച്ച്‌ ജോസഫിെന്‍റ തലയിലിട്ട് മൂടിയതിനുശേഷമാണ് ബാഗ് കൈക്കലാക്കിയത്.
കല്ലറക്കല്‍ സ്റ്റോഴ്‌സിന് സമീപത്തെ സ്വര്‍ണവ്യാപാരിയെയാണ് പ്രതികള്‍ പണത്തിനായി ആദ്യം ലക്ഷ്യമിട്ടിരുന്നതെന്ന് കാഞ്ഞിരപ്പള്ളി ഡിവൈ.എസ്.പി എന്‍. ബാബുക്കുട്ടന്‍ പറഞ്ഞു. പ്രതികള്‍ മിക്കദിവസവും ഇതിന് സമീപം സംഘംചേരാറുണ്ടായിരുന്നുവെന്നും പൊലീസ് കണ്ടെത്തി.
പൊന്‍കുന്നം എസ്.എച്ച്‌.ഒ സജിന്‍ ലൂയിസ്, എസ്.ഐമാരായ ടി.ജി. രാജേഷ്, ജയകുമാര്‍, സി.പി.ഒമാരായ റിച്ചാര്‍ഡ് സേവ്യര്‍, സി.എ. ലേഖ, കെ. ബിബിന്‍, അനീഷ്‌കുമാര്‍ എന്നിവരാണ് പ്രതികളെ പിടിച്ചത്.
