കൊച്ചി: ഒരു അഡാറ് ലവ് എന്ന ചിത്രത്തിലെ വിവാദ ഗാനം പിൻവലിക്കില്ലയെന്ന് സംവിധായകന്‍ ഒമര്‍ ലുലു. യുട്യൂബില്‍ നിന്ന് ‘മാണിക്യ മലരായ’ എന്ന ഗാനം പിൻവലിക്കുമെന്ന് കുറച്ചു നേരത്തെ അദ്ദേഹം അറിയിച്ചിരുന്നു , എന്നാൽ പിന്നീട് ചിത്രത്തിലെ പട്ടു പിൻവലിക്കില്ലയെന്ന് വ്യക്തമാക്കി ,
അതേസമയം, വിവാദങ്ങള്‍ വേദനിപ്പിക്കുന്നുവെന്ന് ഒമര്‍ നേരത്തെ പ്രതികരിച്ചിരുന്നു. ഗാനത്തില്‍ പ്രവാചക നിന്ദയില്ല. ഇത് പഴയ പ്രണയഗാനമാണ്. എല്ലാ സമുദായങ്ങളും ഇൗ പാട്ട് പാടിയിരുന്നു. അതില്‍ മുസ്ലിം വിരുദ്ധമായ യാതൊന്നുമില്ലെന്നും അദ്ദേഹം വ്യക്തമാക്കിയിരുന്നു.
ഗാനം മതവികാരം വ്രണപ്പെടുത്തുന്നുവെന്ന് ചൂണ്ടിക്കാട്ടി മുഖീത് ഖാന്‍ എന്നയാള്‍ െഹെദരാബാദിലെ ഫലക്നുമ പൊലീസ് സ്റ്റേഷനില്‍ പരാതി നല്‍കിയിരുന്നു. ഇതില്‍ സംവിധായകന്‍ ഒമര്‍ ലുലുവി നെതിരെയും നായികക്കെതിരയും പൊലീസ് കേസെടുത്തിരുന്നു.
യുട്യൂബില്‍ ഗാനം അഞ്ച് ദിവസം കൊണ്ട് ഒന്നരകോടിയോളം പേരാണ് കണ്ടത്.
