ഡൽഹിയിൽ കൗമാരക്കാരന്‍ ബന്ധുവായ യുവാവിനെ വെടിവച്ച്‌ കൊലപ്പെടുത്തി . തോക്ക് ചൂണ്ടി സെല്‍ഫി എടുക്കുന്നതിനിടെ പതിനേഴുകാരന്‍ സ്കൂള്‍ അധ്യാപകനായ പ്രശാന്ത് ചൗഹാനെയാണ് കൊന്നത് . സംഭവത്തില്‍ പതിനേഴുകാരനെതിരെയും ഇയാളുടെ പിതാവിനെതിരെയും കേസെടുത്തിട്ടുണ്ട്.
പ്രശാന്ത് ചൗഹാന്‍ തന്റെ ബന്ധുവീട്ടില്‍ സന്ദര്‍ശനത്തിന് എത്തിയപ്പോഴായിരുന്നു സംഭവം. വെടിയേറ്റ ചൗഹാനെ ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല.വെടിയേറ്റ നിലയില്‍ ആശുപത്രിയില്‍ എത്തിച്ച ഉടന്‍ തന്നെ ആശുപത്രി അധികൃതര്‍ പോലീസിനെ വിവരം അറിയിക്കുകയും പോലീസെത്തി തുടര്‍ നടപടികള്‍ സ്വീകരിക്കുകയുമായിരുന്നു.
