ന്യൂഡല്‍ഹി: ബോളിവുഡ് താരം സല്മാന് ഖാന് വിദേശയാത്രയ്ക്ക് അനുമതി. ജോധ്പൂര്‍ ജില്ലാ സെഷന്‍സ് കോടതിയാണ് താരത്തിന് വിദേശയാത്രയ്ക്ക് അനുമതി നല്‍കിയത്.കൃഷ്ണമൃഗത്തെ വേട്ടയാടിയ കേസില്‍ അഞ്ച് വര്‍ഷത്തെ തടവിന് ശിക്ഷിക്കപ്പെട്ടതിന് ശേഷം ജാമ്യത്തിലിറങ്ങിയതായിരുന്നു സല്മാന് ഖാന്. രാജ്യം വിടരുത്, അടുത്ത മാസം 7-നു കോടതിയില്‍ ഹാജരാകണം എന്നീ വ്യവസ്ഥകളോടെയാണ് സല്മാന് ജാമ്യം അനുവദിച്ചിരുന്നത്.
മെയ് 25 മുതല്‍ ജൂലൈ 10 വരെ കാനഡ, നേപ്പാള്‍, യുഎസ്‌എ എന്നിവിടങ്ങളില്‍ പോകാന്‍ അനുവദിക്കണമെന്ന് ആവശ്യപ്പെട്ടാണ് സല്മാന് കോടതിയെ സമീപിച്ചത്.50,000 രൂപയുടെ ബോണ്ടിലും 25,000 രൂപയുടെ രണ്ട് ആള്‍ ജാമ്യത്തിലുമാണ് സല്മാന് ജാമ്യം അനുവദിച്ചത്.
