വൈദ്യുതി തകരാറിനെ ത്തുടര്‍ന്നു മെട്രോ റെയില്‍ ഗതാഗതം തടസപ്പെട്ടു. തിങ്കളാഴ്ച വൈകിട്ട് അരമണിക്കൂര്‍ നേരമാണ് ഗതാഗതം തടസപ്പെടുന്ന വിധം വൈദ്യുതി തകരാര്‍ ഉണ്ടായത്.മെട്രോ ട്രാക്കിലെ വൈദ്യുതി പ്രവാഹം നിലയ്ക്കുകയായിരുന്നു. ഇതേത്തുടര്‍ന്ന് ആലുവ മുതല്‍ മഹാരാജാസ് വരെ പലയിടങ്ങളിലും മെട്രോ ട്രെയിനുകള്‍ നിശ്ചലമായി. നൂറു കണക്കിന് യാത്രക്കാര്‍ ഇതോടെ മെട്രോയില്‍ കുടുങ്ങി.
തകരാര്‍ പരിഹരിക്കുവരെ യാത്രക്കാര്‍ ട്രെയിനുള്ളിലായിരുന്നു. ഗുരുതര സാഹചര്യമില്ലാത്തതിനാലാണു യാത്രക്കാരെ ട്രെയിനില്‍നിന്നു പുറത്തിറക്കാതിരുന്നതെന്നും എയര്‍ കണ്ടീഷന്‍ തടസപ്പെട്ടിരുന്നില്ലെന്നും മെട്രോ അധികൃതര്‍ അറിയിച്ചു.
