ഇന്ത്യയില്‍ തട്ടിപ്പ് നടത്തി വിദേശത്തേക്ക് മുങ്ങിയ നീരവ് മോദിയെ അറസ്റ്റ് ചെയ്യാന്‍ അന്താരാഷ്ട്ര വാറണ്ട് പുറപ്പെടുവിക്കുമെന്ന് വാര്‍ത്തകള്‍ വന്നിരുന്നു. ഇപ്പോള്‍ ഇന്ത്യക്ക് ഇന്‍ര്‍പോളിന്റെ ഫ്രാന്‍സിലെ ആസ്ഥാനത്ത് നിന്നു ചോദ്യാവലി. നീരവ് മോദിയുടെ കേസ് സംബന്ധിച്ചാണ് ചോദ്യാവലി. ഏട്ട് ചോദ്യങ്ങളാണ് ചോദ്യാവലിയില്‍ ഉള്‍പ്പെടുത്തിയിരിക്കുന്നത്.
ബാങ്ക് തട്ടിപ്പില്‍ നീരവ് മോദിയുടെ പങ്ക്, നീരവ് മോദിക്ക് എതിരെ ചുമത്തിയിരിക്കുന്ന കുറ്റങ്ങള്‍, ഇന്ത്യയില്‍ ഇൗ കുറ്റങ്ങള്‍ക്ക് ലഭിക്കുന്ന ശിക്ഷ തുടങ്ങിയവ വ്യക്തമാക്കാന്‍ ഇന്‍റര്‍പോള്‍ ആവശ്യപ്പെട്ടിട്ടുണ്ട്. ഇതിനൊടൊപ്പം നീരവ് മോദിക്കെതിരെ അറസ്റ്റ് വാറണ്ട് പുറപ്പെടുവിച്ചിട്ടുണ്ടോ, എത് രാജ്യത്ത് നീരവുണ്ടെന്നാണ് സംശയിക്കുന്നതെന്ന കാര്യവും ഇന്ത്യന്‍ അന്വേഷണ എജന്‍സിയോട് ഇന്‍റര്‍പോള്‍ വ്യക്തമാക്കാന്‍ ആവശ്യപ്പെട്ടിട്ടുണ്ട്.
ഇന്‍റര്‍പോളിെന്‍റ ചോദ്യാവലി അധികൃതര്‍ സി.ബി.െഎ, ഇ.ഡി എന്നിവര്‍ക്ക് കൈമാറിയെന്നാണ് വിവരം. ഇതിനുള്ള മറുപടി തയാറാക്കാനുള്ള ശ്രമങ്ങള്‍ എജന്‍സികള്‍ നടത്തുകയാണ്. പി.എന്‍.ബി ബാങ്കില്‍ നിന്ന് വന്‍ തുക തട്ടിപ്പ് നടത്തിയ മുങ്ങിയ നീരവ് മോദി ഇപ്പോള്‍ ഹോേങ്കാങിലുണ്ടെന്നാണ് അന്വേഷണ എജന്‍സികളുടെ വിലയിരുത്തല്‍.
