തിരുവനന്തപുരം: കെഎസ്‌ആര്‍ടിസി പെന്‍ഷന്‍ തുക പൂര്‍ണമായും നല്‍കുമെന്ന് മുഖ്യമന്ത്രി പിണറായി വിജയന്‍ നിയമസഭയില്‍ പറഞ്ഞു. കുടിശിക വന്നത് സാമ്ബത്തിക പ്രതിസന്ധി കൊണ്ടാണെന്നും, കെഎസ്‌ആര്‍ടിസിയില്‍ വരവിനേക്കാള്‍ ചിലവാണ് കൂടുതലെന്നും മുഖ്യമന്ത്രി അഭിപ്രായപ്പെട്ടു . 2017-18ലെ സഞ്ചിത നഷ്ടം 7966 കോടിയാണെന്നും, പുനരുദ്ധാരണ പാക്കേജ് നടപ്പാക്കുന്നുണ്ടെന്നും ഡീസല്‍ വില വര്‍ധന കാരണം 10 കോടിയുടെ അധിക ചിലവാണെന്നും, പ്രഖ്യാപിച്ച തുക നല്‍കാനോ ചുരുങ്ങിയ തുകക്ക് വായ്പ ലഭ്യമാക്കാനോ മുന്‍ സര്‍ക്കാര്‍ തയാറായില്ലെന്നും പിണറായി പിണറായി പറഞ്ഞു.
വായ്പാ തിരിച്ചടവില്‍ പ്രതിമാസം 60 കോടി കുറവുണ്ടാകുമെന്നും, ബാങ്ക് കണ്‍സോഷ്യത്തില്‍ നിന്ന് വായ്പ ഫെബ്രുവരിയില്‍ പ്രതീക്ഷിക്കുന്നു, പെന്‍ഷന്‍ ബാധ്യത പരിഹരിക്കാന്‍ സര്‍ക്കാര്‍ നടപടി ഉണ്ടാകും, പെന്‍ഷന്‍ ബാധ്യത ഏറ്റെടുക്കാനാകില്ലെന്ന് സര്‍ക്കാര്‍ സത്യവാങ്മൂലം നല്‍കിയെന്ന വാര്‍ത്ത ശരിയല്ലെന്നും മുഖ്യമന്ത്രി നിയമസഭയെ അറിയിച്ചു.
