ബാഹുബലിയ്ക്ക് ശേഷം രാജമൗലിയുടെ അടുത്ത ചിത്രത്തിൽ തെലുങ്ക് സൂപ്പര്‍ താരങ്ങളായ ജൂനിയര്‍ എന്‍.ടി.ആറും രാം ചരണുമാണ് നായകന്മാരായി എത്തുന്നത് . രാജമൗലി തന്നെയാണ് ഇക്കാര്യം ട്വിറ്ററിലൂടെ വെളിപ്പെടുത്തിയത് .
മാസീവ് മള്‍ട്ടി സ്റ്റാറര്‍ എന്നാണ് രാജമൗലി ചിത്രത്തെ പരിചയപ്പെടുത്തിയിരിക്കുന്നത്. തെലുങ്കില്‍ ഇറങ്ങിയിട്ടുള്ള മള്‍ട്ടിസ്റ്റാര്‍ ചിത്രങ്ങളില്‍ വെച്ച്‌ ഏറ്റവും വലിയ ചിത്രമാകും രാജമൗലിയുടെ പുതിയ ചിത്രമെന്ന് റിപ്പോർട്ടുകൾ പറയുന്നു.
ഡിവിവി എന്റര്‍ടെയ്ന്‍മെന്റാണ് ചിത്രത്തിന്റെ നിര്‍മ്മാണം നിർവഹിക്കുന്നത് .രാജമൗലി, രാം ചരണ്‍, രാമ റാവു എന്നീ പേരുകളുടെ ആദ്യത്തെ അക്ഷരമായ ആര്‍, ആര്‍, ആര്‍ എന്ന ഹാഷ് ടാഗിലൂടെയാണ് വീഡിയോയില്‍ ചിത്രത്തിലെ താരങ്ങളെ പ്രഖ്യാപിച്ചിരിക്കുന്നത്. എന്നാല്‍ ഇതുവരെയും ചിത്രത്തിന്റെ പേര് പുറത്തുവിട്ടിട്ടില്ല.
